Графік адлову безнаглядных жывёл
на тэрыторыях ЖЭС г.Брэста на 2024 г.
Арганізацыяй, якая ажыццяўляе адлоў безнаглядных сабак і катоў у населеных пунктах Брэсцкага раёна і горада Брэста, прызначаны ўчастак па адлове і ўтрыманні безнаглядных жывёл, які з’яўляецца структурным падраздзяленнем КВУП «Брэсцкі смеццеперапрацоўчы завод».
Адлоў
Згодна з Правіламі ўтрымання хатніх сабак, катоў, а таксама адлову безнаглядных жывёл у населеных пунктах Рэспублікі Беларусь, зацверджанымі пастановай Савета Міністраў Рэспублікі Беларусь ад 04.06.2001 № 834, безнаглядныя жывёлы (у тым ліку з ашыйнікам, жэтонамі і ў намордніках) падлягаюць адлову. Адлоў сабак, катоў у населеных пунктах праводзіцца з мэтай прадухілення захворванняў людзей і жывёл на шаленства, на іншыя інфекцыйныя і паразітарныя захворванні.
Рашэннем Брэсцкага гарвыканкама ад 09.02.2017 № 174 вызначана, што мерапрыемствы па адлове безнаглядных жывёл КВУП «Брэсцкі смеццеперапрацоўчы завод» ажыццяўляе па графіках, узгодненых Брэсцкім гарвыканкамам, па заяўках арганізацый, якія ажыццяўляюць эксплуатацыю жыллёвага фонду, іншых юрыдычных асоб і насельніцтва.
Вяртанне адлоўленых жывёл іх уладальнікам
Сабакі, кошкі вяртаюцца ўладальнікам на працягу 5 рабочых дзён (акрамя жывёл, якія падазраюцца ў захворванні на шаленства, якія пакусалі людзей, кантакт з якімі пацягнуў зварот па антырабічную дапамогу). Злоўленыя жывёлы вяртаюцца ўладальнікам пры прад’яўленні рэгістрацыйнага пасведчання на жывёлу. У выпадку адсутнасці рэгістрацыйнага пасведчання жывёла вяртаецца па пісьмовай заяве ўладальніка пры прад’яўленні пасведчання асобы.
Пасля вяртання жывёлы ўладальніку, уладальнік абавязаны пакрыць поўны кошт выдаткаў па ўтрыманні гадаванца на ўчастку па адлове і ўтрыманні безнаглядных жывёл.
Больш падрабязную інфармацыю вы можаце даведацца, перайшоўшы па спасылцы на старонку паслуг ўчастка па адлове і ўтрыманні безнаглядных жывёл КВУП «Брэсцкі смеццеперапрацоўчы завод».