У ліпені 2008 года ў Рэспубліцы Беларусь прыняты Закон «Аб абароне правоў спажыўцоў жыллёва-камунальных паслуг».

Гэты закон накіраваны на вызначэнне прававых, арганізацыйных і эканамічных асноў абароны правоў спажыўцоў жыллёва-камунальных паслуг.

Законам вызначана, што спажывец – фізічная асоба, якая мае намер заказаць альбо якая заказвае жыллёва-камунальныя паслугі або якая карыстаецца жыллёва-камунальнымі паслугамі выключна для асабістых, сямейных, хатніх і іншых патрэб, не звязаных з ажыццяўленнем прадпрымальніцкай дзейнасці;

– жыллёва-камунальная паслуга – дзейнасць, накіраваная на падтрыманне і (або) абнаўленне належнага санітарнага і (або) тэхнічнага стану жылых дамоў, жылых і дапаможных памяшканняў, прыхатняй тэрыторыі, забеспячэнне іх добраўпарадкаванасці, камфортных і бяспечных умоў для пражывання грамадзян;

– выканаўца – юрыдычная асоба, яе філіял, прадстаўніцтва, іншае адасобленае падраздзяленне, размешчанае па-за месцам знаходжання юрыдычнай асобы, або індывідуальны прадпрымальнік, які аказвае спажыўцам жыллёва-камунальныя паслугі на аснове дагавора;

– якасць жыллёва-камунальнай паслугі – сукупнасць уласцівасцяў і характарыстык жыллёва-камунальнай паслугі, якая адносіцца да яе здольнасці задаволіць устаноўленыя і (або) магчымыя патрэбы спажыўца (функцыянальная прыдатнасць, надзейнасць, бяспека ўмоў пражывання і інш.);

– недахоп жыллёва-камунальнай паслугі – неадпаведнасць жыллёва-камунальнай паслугі тэхнічным нарматыўным прававым актам, якія ўстанаўліваюць патрабаванні да якасці такой паслугі, іншаму заканадаўству, умовам дагавора.

У выпадку неаказання жыллёва-камунальнай паслугі альбо аказання жыллёва-камунальнай паслугі з недахопамі спажывец мае права звярнуцца да выканаўцы з патрабаваннем аб аднаўленні сваіх правоў, паведаміўшы яго альбо аварыйна-дыспетчарскую службу, указаную ў дамове шляхам накіравання пісьмовай прэтэнзіі альбо вуснага паведамлення (заяўкі), у тым ліку па тэлефоне.

Усе заяўкі і пісьмовыя прэтэнзіі рэгіструюцца ў дзень падачы, затым перадаюцца ўпаўнаважанай асобе для арганізацыі іх далейшага выканання і кантралююцца работнікам выканаўцы, які ажыццяўляе іх рэгістрацыю.

Работнік выканаўцы на падставе паступіўшага апавяшчэння спажыўца павінен прыбыць да спажыўца не пазней аднаго дня або тэрміну, вызначанага дамовай. У выпадку незабеспячэння спажыўцом доступу ў жылыя памяшканні, на зямельныя ўчасткі ў загадзя ўзгоднены час выканаўца не нясе адказнасці за парушэнне названага тэрміну.

Работнік выканаўцы, які прыбыў да спажыўца, усталёўвае факт наяўнасці і прычыны неаказання жыллёва-камунальнай паслугі альбо аказання жыллёва-камунальнай паслугі з недахопамі, складае прэтэнзійны акт пры наяўнасці тэхнічнай магчымасці са згоды спажыўца неадкладна забяспечвае аказанне жыллёва-камунальнай паслугі альбо ліквідацыю недахопаў жыллёва-камунальнай паслугі.

На падставе прэтэнзійнага акта выканаўца задавальняе патрабаванні спажыўца альбо на працягу 5 дзен накіроўвае матываваную пісьмовую адмову ў задавальненні патрабаванняў.

У выпадку, калі спажывец запатрабаваў змяншэння памеру платы ў сувязі з аказаннем жыллёва-камунальнай паслугі з недахопамі, таксама ў выпадку неаказання жыллёва-камунальнай паслугі пераразлік платы за асноўныя жыллёва-камунальныя паслугі ажыццяўляецца ў парадку, устаноўленым пастановай Савета Міністраў Рэспублікі Беларусь ад 27.01.2009 г. № 99 «Аб мерах па рэалізацыі Закона Рэспублікі Беларусь «Аб абароне правоў спажыўцоў жыллёва-камунальных паслуг», а за дадатковыя жыллёва-камунальныя паслугі – у парадку, вызначаным дагаворам.

Тэрмін прыняцця рашэння па патрабаванні спажыўца аб вяртанні платы за жыллёва-камунальную паслугу, аб памяншэнні памеру платы за жыллёва-камунальную паслугу, аказаную з недахопамі, не можа перавышаць сямі каляндарных дзён з дня прад'яўлення адпаведнага патрабавання.

Засталося дадаць, што падаць пісьмовую або вусную прэтэнзію заяўнік можа ў жыллёва-эксплуатацыйную службу па месцы пражывання.