Паважаныя жыхары!
Пражываючы ў шматкватэрным жылым будынку неабходна выконваць «Правілы карыстання жылымі памяшканнямі, утрымання жылых і дапаможных памяшканняў» зацверджаныя Пастановай Савета міністраў Рэспублікі Беларусь 21.05.2013 года № 399.
Дадзеныя правілы вызначаюць парадак карыстання жылымі і дапаможнымі памяшканнямі агульнай маёмасці ў жылых будынках дзяржаўнага і прыватнага жыллёвых фондаў.
Названымі правіламі вызначана, што ў жылым памяшканні з 23 да 7 гадзін не павінны здзяйсняцца дзеянні, якія ствараюць вібрацыю і шум (у тым ліку з дапамогай гульні на музычных інструментах, гучнай прамовы і спеваў, прымянення піратэхнічных сродкаў, выкананне бытавых (рамонтных) работ, правядзенне ручных пагрузачна-разгрузачных работ.
Таксама грамадзянам у жылым будынку забараняецца
1. Дзеянні (бяздзейнасць), якія прыводзяць да псавання жылых і дапаможных памяшканняў, парушэння ўмоў пражывання грамадзян у іншых жылых памяшканнях, а таксама перашкаджаюць ажыццяўленню правоў і законных інтарэсаў іншых грамадзян і арганізацый;
2. Сушка бялізны ў дапаможных памяшканнях шматкватэрнага жылога будынку;
3. Пераабсталяванне і рэканструкцыя вентыляцыйных шахт і каналаў;
4. Захоўванне ў жылых памяшканнях выбухованебяспечных, атрутных і забруджваючых паветра рэчываў і прадметаў
– загрувашчванне калідораў, лесвічных маршаў і пляцовак у месцах агульнага карыстання, балконаў, лоджый
– самавольная ўстаноўка на дахах і фасадах будынкаў індывідуальных антэн і іншых канструкцый.
За парушэнне правілаў наступае адміністрацыйная адказнасць згодна з артыкулам 21.16 Кодэкса РБ аб адміністрацыйных правапарушэннях, якая цягне за сабой накладанне штрафу ў памеры да 50 базавых велічынь.
Паважаныя жыхары г. Брэста!
Нагадваем Вам, што згодна з Правіламі карыстання жылымі памяшканнямі, утрымання жылых і дапаможных памяшканняў, зацверджаных пастановай Савета міністраў РБ 21.05.2013 года № 399 курэнне ў дапаможных памяшканнях шматкватэрнага жылога дома (вестыбюль, калідор, галерэя, лесвічныя маршы і пляцоўкі, ліфтавыя холы і іншыя памяшканні) – ЗАБАРОНЕНА.
У адваротным выпадку парушальніку пагражае адміністрацыйная адказнасць згодна з артыкулам 21.16 кодэкса РБ аб адміністрацыйных правапарушэннях. Штраф да 30 базавых велічынь.
Звяртаем Вашу ўвагу, што адміністрацыйная адказнасць наступае таксама за распіццё алкагольных, слабаалкагольных напояў або піва ў грамадскім месцы, з'яўленне ў грамадскім месцы або на рабоце ў стане ап'янення (артыкул 17.3 КааП РБ) і курэнне «спажыванне» тытунёвых вырабаў у забароненых месцах (артыкул 17.9 Каап РБ).